அஜீத்துடன் இணைகிறார் அமலாபால்........

விஷ்ணுவர்தன் இயக்கும் திரைப்படத்தில் அஜித்துக்கு ஜோடி அமலாபால் நடிக்கவுள்ளார்.

மைனா, தெய்வத்திருமகள் திரைப்படங்கள் மூலம் பிரபலமடைந்தவர் நடிகை அமலா பால். இத்திரைப்படங்களின் வெற்றியால் தமிழ் மற்றும் தெலுங்கு திரையுலகின் தயாரிப்பாளர்கள், இயக்குனர்கள், நடிகர்கள் என அனைவரும் அமலா பாலின் திகதிக்காக காத்துக் கொண்டிருக்கின்றனர். இதனால் மற்ற நடிகைகள் மத்தியில் அமலா பால் மீது சிறு பொறாமை உள்ளது. நடிகர் அஜித் தற்போது பில்லா-2 திரைப்படத்தில் நடித்து வருகின்றார். அடுத்து விஷ்ணுவர்தன் இயக்கத்தில் ஒரு திரைப்படத்திலும் நடிக்கவுள்ளார், இதில் அஜீத்துக்கு ஜோடி அமலாபால் நடிக்க இருப்பதாக தகவல் வெளியாகியுள்ளது. இன்னும் ஓரிரு மாதங்களில் இப்படத்தின் படப்பிடிப்பு தொடங்கவுள்ளதாக தகவல் வட்டாரங்கள் தெரிவித்துள்ளன.