ஏக் தா டைகர் படத்தின் தமிழ் ரீமேக்கில் விஜய்...........

சல்மான்கான் நடித்து இந்தியில் சமீபத்தில் வெளியாகியுள்ள ஏக் தா டைகர் படத்தின் தமிழ் ரீமேக்கில் விஜய் நடிக்கக் கூடும் என தகவல்கள் வெளியாகி உள்ளன.

பாலிவுட்டில் சமீபத்தில் அதிக வசூலைக் குவித்துள்ள படம் ஏக் தா டைகர். கபீர் கான் இயக்கிய இந்தப் படம் குறித்து கலவையான விமர்சனங்கள் வந்தாலும், படம் வசூலில் சாதித்துவிட்டது. இப்போதே இந்தப் படத்தை தெலுங்கில் ரீமேக்கும் வேலையை ஆரம்பித்து விட்டார்கள். எனவே தமிழிலும் ரீமேக் செய்ய முடிவெடுத்து, ரீமேக் ஸ்பெஷலிஸ்டான ஜெயம் ராஜாவை வைத்து இந்தப் படத்தை தமிழில் எடுக்க எடிட்டர் மோகன் முயற்சி மேற்கொண்டுள்ளாராம். கதாநாயகனாக நடிக்க விஜய்யிடம் பேசிக் கொண்டிருக்கிறார்களாம். விஜய்யும் ராஜாவும் ஏற்கெனவே வேலாயுதம் படத்தில் இணைந்து வெற்றிக் கொடி நாட்டியவர்கள் தான். கௌதம் மேனனின் யோஹனிலிருந்து விலகியுள்ளதால், அந்த திகதிகளை ஜெயம் ராஜாவுக்கு தர விஜய் முடிவு செய்திருப்பதாக தகவல் வெளியாகி உள்ளது.