உருமி படத்தை ரசித்த இளையதளபதி ...

சென்னை ஃபோர்பிரேம்ஸ் திரையரங்கில் திரையிடப்பட்ட சந்தோஷ்சிவனின் இயக்கத்தில் உருவாகியுள்ள “உருமி” படத்தை இளையதளபதி விஜய், ரசித்து பார்த்துள்ளார்.

சிறந்த ஒளிப்பதிவிற்கான சர்வதேச விருதுகளை அள்ளிய சந்தோஷ் சிவன், உருமி படத்தை ஒளிப்பதிவு செய்து இயக்கியுள்ளார். இதில் ஆர்யா, பிரபு தேவா, ப்ருத்வி ராஜ், தபு, ஜெனிலியா, வித்யா பாலன் என திரையுலக நட்சத்திரங்கள் நடித்திருக்கின்றார்கள். பாடல்களை கவிப்பேரரசு வைரமுத்து எழுதியுள்ளார். தீபக் தேவ் இசையமைத்துள்ளார். இவர்களுடன் திரைப்பட தொகுப்பு-ஸ்ரீகர் பிரசாத், சண்டைக்காட்சிகள்-அனல் அரசு என இப்படத்தில் பணியாற்றியுள்ளனர். போர்ட்சுகீசியர்கள் இந்தியாவை ஆக்கிரமிக்க முயன்ற வரலாற்றை சந்தோஷ் சிவன் தனது இயக்கத்தில் கொடுத்துள்ளார்கள். இப்படத்தை இளைய தளபதி விஜய் ரசித்து பார்த்துள்ளார். சந்தோஷ் சிவனின் ஒளிப்பதிவை புகழ்ந்துள்ளார் விஜய். உருமியை கலைப்புலி தாணு தயாரித்துள்ளார். இன்று திரைக்கு வந்துள்ள உருமி, உலகம் முழுவதிலும் 250 திரையரங்குகளில் திரையிடப்படுகிறது.

Wishing many more happy birthdays to Mr.Mohanlal by thalathalapathi fans...

நினைத்தாலே இனிக்கும் ரீமேக்கில் விஜய், அஜித் நடிக்கவில்லை ...

தமிழ் திரையுலகில் கே.பாலச்சந்தர் இயக்கத்தில் ரஜினிகாந்த், கமல் ஹாசன் இணைந்து நடித்த படம் “நினைத்தலே இனிக்கும்”.

இப்படம் 1979ம் வருடம் திரைக்கு வந்தது. பாடல்கள், கலகலப்பு, காதல் என அனைத்திலும் இப்படம் சூப்பர் ஹிட்டானது. ஜெயப்பிரதா நாயகியாக நடிக்க எம்.எஸ். விஸ்வநாதன் நினைத்தாலே இனிக்கும் படத்திற்கு இசையமைத்திருப்பார். இந்நிலையில் தற்போது இப்படத்தை ரீமேக் செய்ய உள்ளதாக தகவல் வெளியானது. இதில் விஜய், அஜித் இணைந்து நடிக்கவுள்ளார்கள் என்றும் செல்வா இயக்கவுள்ளார் எனவும் ஊடகங்கள் வெளியிட்டன. ஆனால் இயக்குனர் செல்வா இந்த செய்தியை மறுத்துள்ளார். அவர் கூறியதாவது, நினைத்தாலே இனிக்கும் ரீமேக் குறித்து வெளியான தகவல்கள் பொய்யானது. இப்படத்தை ரீமேக்காக இயக்க நினைத்திருந்தால் தானே இதுகுறித்து விஜய், அஜித்திடம் பேசமுடியும். ஆனால் அவ்வாறு நினைக்கவில்லை என மறுத்துள்ளார். இயக்குனர் செல்வா, அஜித்குமாரை திரையுலகில் நாயகனாக அமராவதி படத்தின் மூலம் அறிமுகம் செய்தவர். இதையடுத்து நான் அவனில்லை படத்தை ரீமேக் செய்து வெளியிட்டார் என்பது குறிப்பிடத்தக்கது.

ஜுன் மாதத்தில் திரைக்கு வரும் தல அஜித்தின் பில்லா-2 ...

திரை ரசிகர்களுக்கு மத்தியில் பெரும் எதிர்ப்பார்ப்பை தூண்டிவிட்டுள்ள அஜித் குமாரின் பில்லா-2, வரும் ஜுன் 8ம் திகதி திரைக்கு வருகின்றது.

சக்ரி டோலெட்டி இயக்கத்தில் உருவாகியுள்ள பில்லா-2, மொத்தம் ரூ 40 கோடிக்கு விற்பனையாகியுள்ளது. இன் என்டர்டெயின்மென்ட் சார்பில் சுனில் கேட்டர்பால் தயாரித்துள்ள பில்லா 2 -ன் விநியோக உரிமையை ஒஸ்கர் ரவிச்சந்திரன் பெற்றுள்ளார். அஜித் குமாரின் பிறந்த நாள் கொண்டாட்டமாக மே 1ம் திகதி பில்லா-2 படத்தின் இசையை படக்குழுவினர் வெளியிட்டார்கள். இதில் வரும் “கேங் கேங் கேங் ஸ்டார்” எனத் தொடங்கும் தீம் பாடல் ரசிகர்கள் தங்கள் நாவில் அடிக்கடி முணுமுணுக்கும் பாடலாக மாறிவிட்டது. இந்நிலையில் வரும் ஜூன் 8ம் திகதி படம் வெளியாகும் என தங்களுக்கு தகவல் சொல்லப்பட்டுள்ளதாக பில்லா-2 விநியோகஸ்தர்கள் தரப்பில் கூறப்பட்டுள்ளது. அதற்கு முன்பு, படத்தின் இரண்டாவது ட்ரைலர் வெளியாகும் என்றும், அடுத்தவாரம் படத்தின் சென்சார் முடிந்ததும் வெளியீட்டுத் திதி அதிகாரப்பூர்வமாக அறிவிக்கப்படும் என்றும் கூறப்படுகிறது.

அஜித்குமார்- ஆர்யா இணையும் படம் .....

ஏ.எம்.ரத்னம் தயாரிப்பு மேற்பார்வையில், ஸ்ரீ சத்ய சாயி மூவிஸ் சார்பில், ஏ.ரகுராம் தயாரிக்கும் பிரம்மாண்டமான படத்தை விஷ்ணுவர்த்தன் இயக்க உள்ளார்.

இப்படத்தில் முதன் முறையாக அஜித்குமாருடன் ஆர்யா இணைந்து நடிக்க உள்ளார். இவர்களுடன் நயன்தாரா மற்றும் டப்சியும் நடிக்க உள்ளனர். பில்லா வெற்றி பட கூட்டணி அஜித்குமார்- நயன்தாரா- விஷ்ணுவர்த்தன்- யுவன்சங்கர் ராஜா மீண்டும் இணைய உள்ளனர். இப்படத்தின் கதை, திரைக்கதையை சுபா, விஷ்ணுவர்த்தன் இருவரும் இயற்ற, சுபாவின் வசனத்தில் பி.எஸ் வினோத் ஒளிப்பதிவில், அனுவர்த்தன் ஆடை வடிவமைக்கிறார். மேலும் ஸ்ரீகர் பிரசாத் எடிட்டிங் செய்ய, சுனில் பாபு அரங்கமைக்க, சுந்தராஜன் தயாரிப்பு நிர்வாகத்தில் உள்ள பெயரிடப்படாத  இப்படத்தின் முதற்கட்ட படப்பிடிப்பு வருகின்ற 31ஆம் திகதி மும்பையில் தொடங்க உள்ளது.

நகைச்சுவை இயக்குனருடன் இணையும் இளைய தளபதி

இளைய தளபதி விஜய், ரசிகர்களுக்கு ஒரு நகைச்சுவை விருந்து அளிக்க ஓகே.ஓகே. ராஜேஷ் இயக்கத்தில் நடிக்க சம்மதித்துள்ளார்.

இளைய தளபதி விஜய்யுடைய ரசிகர்கள் அனைவரும் ஆக்சனையே விரும்புவார்கள். சமீபகாலத்தில் விஜய் நடித்து வெளிவந்த போக்கிரி, வில்லு படங்கள் ஆக்சனை மையமாக வைத்தே வெளிவந்தன. இதையடுத்து காவலன், நண்பன் திரைப்படங்கள் சற்று மாறுதலாக நகைச்சுவையுடன் கூடிய படங்களாக வெளிவந்த போது அனைத்து தரப்பு ரசிகர்களையும் கவர்ந்தது. இந்நிலையில் இளைய தளபதி முழுக்க முழுக்க நகைச்சுவை படத்தில் நடிக்க முடிவு செய்துள்ளார். அதற்கான இயக்குனராக சிவா மனசுல சக்தி, பாஸ், ஓகே.ஓகே படங்களை இயக்கிய ராஜேசுடன் இணைகிறார். தற்போது ராஜேஷ் கார்த்தியை வைத்து இயக்க திட்டமிட்டிருப்பதால் விஜய்யை வைத்து இயக்க தாமதம் ஆகும் எனத் தெரிகிறது.

Vijay & AL Vijay to do 'Thalaivan'! ...

It is no longer news that Ilayathalapathy Vijay and AL Vijay are coming together for a project. However, the project has now been titled 'Thalaivan' and will go on floors by the end of this year. It will be produced by Chandra Prakash Jain.
'Thalaivan' is touted to have the usual technicians of AL Vijay and is a commercial entertainer that will have music by GV Prakash, of course.
However, buzz is that once 'Thupaki' is wrapped Vijay will focus on 'Yohan: Adhyayam Ondru' with Gautham Menon. The film will be completed by the end of the year following which 'Thalaivan' will go on floors.
AL Vijay is currently busy with work on 'Thaandavam' that has Chiyaan Vikram in the lead

துப்பாக்கி படத்திலிருந்து விஜய் சிகரெட் பிடிக்கும் காட்சி நீக்கம் ...

பொலிஸ் கமிஷனரிடம் புகார் அளிக்கப்பட்டதையடுத்து துப்பாக்கி படத்திலிருந்து விஜய் சிகரெட் பிடிக்கும் காட்சி நீக்கப்பட்டுள்ளது.

அக்காட்சி இடம்பெறும் போஸ்டரையும் ஒட்டப்போவதில்லை என இயக்குனர் முருகதாஸ் கூறியுள்ளார். விஜய் சிகரெட் பிடிப்பது போல் துப்பாக்கி படத்தின் போஸ்டர் பல இடங்களில் ஒட்டப்பட்டது. இதற்கு எதிர்ப்பு கிளம்பியது.  இது குறித்து தொண்டு நிறுவனம் ஒன்று, பொலிஸ் கமிஷனர் திரிபாதியிடம் புகார் அளித்தது. இது பற்றி பட இயக்குனர் ஏ.ஆர்.முருகதாஸ் கூறுகையில், விஜய் சிகரெட் பிடிப்பது போல் துப்பாக்கி படத்துக்கு போஸ்டர் ஒட்டப்பட்டிருந்தது. இது விளம்பரத்துக்காக மட்டுமே எடுக்கப்பட்ட புகைப்படம். அதுபோல் காட்சி படத்தில் இடம்பெறவில்லை. ஒரு சிறு காட்சியில் மட்டும் விஜய் சிகரெட் பிடிப்பதுபோல் இடம்பெற்றது. அதை கூட படத்திலிருந்து நீக்கிவிட்டோம். இனிமேல் சிகரெட் பிடிப்பதுபோன்ற எந்த காட்சியும் போஸ்டரில் பயன்படுத்த மாட்டோம் என்றார்.